हिन्दू जागरणको किन ?

अहिले नेपालमा धर्मको विषयमा बहस चल्न थालेको छ | वि.स. २०६३ अघि एस्तो बहस चलेको थिएन | यो बहसको जन्मदाता ‘धर्मनिरपेक्षता’ हो | नेपालमा धर्मनिरपेक्षताको जन्मदाता युरोपियन-कोरियाली इसाई-मिसनरी हुन् | नेपालीहरूको आमचाहना र जनादेशले धर्मनिरपेक्षता संविधानमा सम्मिलित भएको होइन | यो किर्ते गरेर लुकिचोरी  ल्याइएको कुरा प्रधानमन्त्री आफैले स्वीकार गरेका छन् |

२. नेपाल धर्मनिरपेक्ष भएपछि विदेशी धर्मले नेपालको प्राकृतिक रूपमा संस्कृतिउपर बर्बरता पूर्वक अतिक्रमण गरेको छ | विदेशी दूतावास, आइएनजीओ, एनजीओ र लोभी राजनैतिज्ञहरूको बुई चढेर नेपालका कुनाकाप्चामा पुगेको छ | अशिक्षित, दलित तथा गरिवहरूलाई ‘डलर, स्वास्थ्य जीवन, छुवाछुतहिन समाजको र सामाजिकीकरणको’ लालीपप देखाएर किनिरहेको छ | आस्था परिवर्तन गरेका नेपालीहरूलाई नै प्रयोग गरेर नेपालीको रैथाने आस्थालाई वदनाम गरिरहेका छन् | हिमालका सोझासाझा बौद्धहरूको आस्था परिवर्तन गरेर निजका घर वा गुम्वामा रहेका अमूल्य पुस्तकहरू, मूर्तिहरू, कलाकृतिहरू, गहनाहरू कौडीको भाउमा किनेर वा मागेर विदेशमा बेचिरहेका छन् | सीमान्तीकृत समुदाय, दलितहरूलाई धर्मपरिवर्तन गर्न उक्साइरहेको छ भने परिवर्तित समुदायलाई आफ्ना छिमेकी विरुद्ध लड्न उक्साई रहेका छन् |

३. मुसाले यहुदी पन्थको स्थापमा गरे | यहुदी जिससले इसाई पन्थको स्थापना गरे | इसाईबाट असन्तुष्ट भएपछि रेगिस्तानका मोहम्मदले इस्लामको स्थापना गरे | यी तीनवटा पन्थको स्रोत एकै भएपनि धार्मिकरूपमा एकाआपसमा पानी वारावार छ | मौका मिल्यो कि यी एकअर्को विरुद्ध जाइलाग्ने गर्छन् | आफ्नो स्थापना देखि नै धर्मका नाममा यी धर्मयुद्ध लडिरहेका छन् | यिनको यो ‘धार्मिक लडाईमा परेर संसारका हजारौं संस्कृति, आस्था र विविधता हमेशाका लागि लोप भए | असंख्य मानववंशको विनाश भयो | आज पनि यी प्राविधिक रूपमा एकआपसमामा युद्धरत नै छन् |

४. आजको विश्व यहुदी, इसाई र मुस्लिमहरूको आपसी लडाईका कारण संकटग्रत छ | पश्चिमा इसाईहरूले मुस्लिमदेशहरूलाई तारो बनाएर आफ्नो अभीष्ट पूरागरिरहेका छन् | युगोस्लाभिया, नाइजेरिया, इन्डोनेसिया, भारतका नागाल्याण्ड, मिजोरम आदिमा क्रिश्चियनहरूको अहंको जगजगी छ भने अव शान्त. समावेशी र सहअस्तित्वको हजारौं वर्ष लामो इतिहास भएको सनातन हिन्दू धर्मको जन्मथलो नेपाल यिनीहरूको टारगेटमा परेको छ | नेपालको जैविक र साँस्कृतिक आस्थालाई नष्ट गर्न इसाई-मुसाईहरू एक भएका छन् |

५. इसाई र मुस्लिमहरूको दूईहजार वर्ष पुरानो इतिहास पल्टाउने हो भने यिनको मानवता विरोधी कृत्यले आधुनिक संसारलाई लज्जित पार्छ | मिश्री, इराकी, पर्सियन, मोरक्को, इन्का, माया तथा प्राचीन ग्रीकेली संस्कृतिहरूलाई यी अतिवादीहरूले सदैवका लागि समाप्त पारेका छन् | यिनको एकलकाटे चिन्तनको आगोले भष्म बनाएको छ | चर्चहरूका अत्याचारले जलेका युरोपियनहरू नास्तिक वन्दैछन् |

६. एउटा किताव (बाइबल/कुरान), एउटा धर्म (इसाई वा इस्लाम) एउटा पूजास्थल (चर्च वा मस्जिद) एउटा मानव संस्कृति (मुस्लिम वा इसाई)को उपदेश दिने पक्षपाती र आफ्नो विरुद्धमा सानोतिनो निन्दा पनि सहन नसक्ने असहिष्णु परमेश्वर (गड वा अल्लाह)का अनुयायीहरूले नेपालमा प्रवेश गरिसकेपछि नेपालको विविधतापूर्ण संस्कृति जीवित रहन सक्ला भनेर आश गर्नु पर्दैन | यी दुवै समुदायहरूले नष्ट गरेका मन्दिर, सभ्यता, साँस्कृतिक समुदायको ठूलो संख्या छ | यी एकलकाटेहरूले मूर्तिपुजालाई सहन्नन् | दशैतिहारको बहिस्कार गर्छन् | अर्काको धार्मिक, आध्यात्मिक तथा सामाजिक स्थलहरूलाई नष्ट गर्दा ‘ठूलोपुण्य’ हुने ठान्छन् | नेपाली धर्म र संस्कृतिका लागि यी अवान्छित र आक्रमणकारी पाहुना हुन् |

७. हिन्दू जागरण नेपालको गठन नेपाली जनतालाई स्वधर्म र संस्कृतिको रक्षा र सम्वर्धनप्रति जागरुक बनाउन भएको हो | यो कुनै धर्म, व्यक्ति वा संस्थाको विरुद्ध छैन | हरेक मान्छेले स्वेच्छापूर्वक आस्था मान्न पाउने व्यबस्थाको सम्मान गर्छ | तर नेपालीको प्राचीन धर्म, संस्कृति र आस्था-विश्वासलाई प्रायोजितरूपमा नष्ट गर्ने/गराउनेहरूप्रति तटस्थ रहन सकिन्न | स्वधर्म र स्वसंस्कृति मास्नेहरूको सड्यन्त्र र मिचाई सहनु भनेको ‘आत्महत्या गर्नु’ हो |

८. हामीले बुझ्नुपर्छ, सबैभन्दा धार्मिक रूपमा कट्टरपन्थी मुस्लिम र इसाई समुदाय धर्मनिरपेक्षताको पक्षमा उभिएको छ, किन ? अहिले नेपालका लागि सबैभन्दा धर्मनिरपेक्षताको वकालत गर्नेहरूमा पहिलो इसाई समुदाय छ, त्यसपछि मुस्लिम र अनि, तिनको देखासिकी गर्दै बौद्ध र किरातीहरू पनि हिन्दू विरुद्ध लागि परेका छन् | किराती र बौद्धहरू धर्मपरिवर्तनको चक्रबाट सबैभन्दा पिडित छन् | हिमाली भेकका गाउँका गाउँ इसाई बनेर विभत्स भएका छन् | आदिवासी-जनजाति र दलितहरू पनि धर्मपरिवर्तनकारी तारो बनेका छन् | यिनै समूहको हितका लागि उठेको नेतृत्व वर्ग आस्था परिवर्तनका विषयमा आश्चर्यजनक रूपमा ‘तै-चुप मै चुप’ छन् | यसरी धर्मपरिवर्तनकारीहरूले नेपाली-नेपाली बीच फूट पार्न सफल भएका छन् |

९. वि. स. २०४६ को राजनैतिक परिवर्तनपछि स्व. कृष्णप्रसाद भट्टराईको नेतृत्वमा सरकार गठित भयो र यस सरकारले नौं महिनामा ‘संबैधानिक राजतन्त्रात्मक हिन्दूराष्ट्र’कोसंविधानजारिगर्यो| विदेशीको न्यूनतम हस्तक्षेपमा लेखिएको नेपालको यो पहिलो संविधान थियो जसले धार्मिकस्वतन्त्रताको पनि ग्यारेन्टी दिएको थियो | धर्म, जातजाति र वर्ण’का आधारमा भेदभाव कुनै पनि प्रकारको भेदभाव गर्न नपाइने बचन संविधानले जनतालाई दिएको थियो |

१०. वि.स. २०५३ देखि माओवादीहरूले जनयुद्ध घोषणा गरे | जनयुद्धको पहिलो चरणमा तिनले जुवातास, रक्सी तथा शोषणका विरुद्ध उठाएको कदमलाई जनताले सकारात्मक रूपमा लिए | फलत: जनाधार बढ्दै गयो र तिनको हिंसात्मक क्रियाकलापमा पनि वृद्धि भयो |

११. वि.स. २०५७ पछिकोमाओवादी आन्दोलनले वर्गीय मुक्तिको साटो जातीय र क्षेत्रीयतालाई अवलम्वन गर्यो | फलत: जातीयताका आधारमा वर्गीय-संगठनको विस्तार भयो | नेपालको समस्त राजनैतिक आकाश: बाहुनक्षेत्री भर्सेज मंगोलियन, किराती, बुद्धिस्ट भर्सेज हिन्दूका रूपमा विभाजित हुनपुग्यो|

१२. माओवादीआन्दोलनका हर्ताकर्ताले २०५६ साल देखि गोरखाका बाहुन मुक्तिनाथ अधिकारीको हत्या गरेर हिन्दू-धर्म र संस्कृतिलाई तारो बनाउन आरम्भ गरे | त्यसपछि, तीजमा रोक लगाउने, गुरुकुलहरूमा आक्रमण गर्ने, हिन्दूमन्दिर र तिनको जायजेथामा कब्जा गरे र यहाँसम्म कि अशक्त बृद्ध विधुवाहरूलाई समेत‘गाईको मासु’ कोचाउने काम गरे |

१३. माओवादीहरूले धर्म र धार्मिकता विरुद्ध आफ्नो हिंसात्मक गतिविधिलाई निरन्तरता दिंदा २०५३-२०६३ सम्मको दशवर्षे युद्धकालमा एउटा पनि गुम्वा, मस्जिद वा चर्चलाई नोक्सान पुर्याएको कुनै उदाहरण छैन | संस्कृत विश्वविद्यालयमा आगो लगाएको. मन्दिरका मूर्तिहरू तोडेको, बलजफ्ती बटुकहरूको टुप्पी काटेका असंख्य उदहारणहरू छन् |

१४. वि. स. २०४७ को संविधानले प्रदान गरेको अधिकारको प्रयोग २०४८ पछि गर्दै विश्वभरीका इसाई-मिसनरिजहरू नेपालमा क्रियाशील भए |नेपालसरकारको तथ्यांकअनुसार वि.स. २०४६सालमा लगभग८० हजारको हाराहारीमा रहेको क्रिश्चियन जनसंख्या २०६३ सालमा २ लाख नब्बेहजार नाग्यो | यो बढेर २०६८ को जनगणनामा ४ लाख ८७ हजार भयो | मानवाधिकार आयोगका पूर्व सदस्य तथा इसाईअगुवा डा. के.बी. रोकायाका मतमा नेपालमा इसाईहरूको संख्या लगभग २५ लाख हुनुपर्छ !!!

१५. कथित जनयुद्धमा हिन्दू धर्म र संस्कृतिउपर प्रसस्त आक्रमण भए तर देशभरी धर्मपरिवर्तनको जालो फिजाइरहेका इसाइप्रति कुनै आक्रमण भएन | शान्ति सम्झौतापछि बरूगिरिजाप्रसादको सरकारमा सामेल हुँदा उसले आफ्नोप्रतिनिधित्व गर्न चारजना इसाईहरूलाई संविधान सभामा पठायो | यस वीच एमाओवादी नेतृत्वले धेरै पटक नोर्वे लगायतका देशहरूको भ्रमण गर्यो|

१६. वि.स. २०६३को चुनावमा बहुमत प्राप्त गरेपछिको पहिलो संविधान सभाको पहिलो बैठकले राजतन्त्र फल्नुका साथै हठात् देशलाई ‘धर्मनिरपेक्षता’को ट्याग भिराईदियो | जुन केही बामपन्थी बामपन्थीहरूको राजनैतिक मांगको अंश थियो, सम्पूर्ण नेपाली जनताको थिएन |

१७. नेपाल धर्मनिरपेक्ष राष्ट्र भएपछि धर्मपरिवर्तनकारी शक्तिहरू नाइटोको बल लगाएर धर्मपरिवर्तन गराउने काममा सक्रिय भए |एमाले नेता तथा पूर्वमन्त्री रघु पन्तका शब्दमा ‘बाइबल हातमा लिएर गाउँगाउँ पस्ने पादरीहरूले पछि तलवार लिएर पश्चिमाहरूलाई बोलाउने पुरानै चलन हो |’ आजका युगमा यिनले मानवाधिकार र डलरको बिटो बोकेर हिमाल, पहाड र तराईमा पसेका छन् | मिलेर बसेका नेपाली जातिहरूलाई जात र धर्मका नाममा उरालेर लडाउने षड्यन्त्र गरिरहेको छन् | बेलायती राजदूतको पछिल्लो भनाइ यसै षड्यन्त्रको खुला बहस हो भने युरोपेली राजदूतहरूले विखण्डनवादी सी.के.राउतलाई चितवनमा भेटेको यसको परिणाम हो | हिटलरको जातिवादी विचारका कारण दूईपटकसम्म विश्वयुद्धको अपजस बोकेको जर्मनले यिनको ‘षड्यन्त्र’लाई साथ दिएन |

१८. नेपाली जातिहरू मिलेर बसेको कमसेकम २५ सय वर्ष पुरानो इतिहास छ | युरोपेलीहरूको आर्थिक-सहयोगमा डा. कृष्णबहादुर भट्टचन, डा. चैतन्य सुब्बा तथा डा. गणेश गुरुङहरूको नेतृत्वमा २०६८मा धरानमा आदिवासी-जनजातीको सम्मेलनले देशको ८२% जनसंख्या ओगट्ने हिन्दूहरू विरुद्ध घोषणापत्रजारिगर्यो, जसमा हिन्दू धर्म, संस्कृति, चालचलनलाई अनैतिक, गैरकानुनी तथा विभेदकारी भन्दै बन्देज लगाउने मांग गर्यो | आयोजक मध्ये अधिकांश एमओवादी समर्थक हुन् र इसाई पनि |

१९. नेपालको हिमाली भागमा बौद्धहरू बढी छन् | पहाडर तराईमा हिन्दूहरूको बसोवास बढी छ | राई-लिम्वु, गुरुङ-मगर, थारू र मधेशीलाई एकाआपसमा उरालेर जातजाति र जातिको कित्ताकाट गर्ने काम युरोपेली ‘सल्लाहकार’हरूको तजविज अनुसार भएको हो | नाकका आधारमा पुर्खेउली धर्म मान्नु पर्ने विखण्डनकारी अवधारणा जन्माउने पनि युरोपेली हुन् भने त्यसका संवाहक एमाओवादी, आदिवासी-जनजाति र जातीयता भित्र घुसपैठ बनाउन सफल भएका इसाईहरू हुन् |

२०. सङ्घीयता, धर्मनिरपेक्षता, समानता र स्वतन्त्रता त यिनका बाहिरी आवरण हुन् | सङ्घीयताको विरुद्ध बलियो रूपमा कुनै पनि नेपाली प्रस्तुत भएका छैनन् | समानता र स्वत्रन्त्रता सबै नेपालीहरूको न्यूनतम चाहना हो | नेपालीहरूले धर्मनिरपेक्षताको विरोध नगरेर धर्मनिरपेक्षताका नाममा धर्मपरिवर्तनको व्यापारको विरोध गरिरहेका छन् | हिन्दूहरूले आफ्नो पहिचानको कुरा गर्दा हिन्दूहरूलाई ‘दोस्रोदर्जा’को नागरिक ठान्ने, विदेशी आक्रमणकारीको बिल्ला भिराउनेहरूको विरोध गरिरहेका छन् |

२१. धर्मपरिवर्तन गराएर आफ्नै धर्म र संस्कृतिलाई ‘शैतान, पापर अधर्म’ भन्न सिकाउनेहरू विरुद्ध हिन्दूहरू आन्दोलित भैरहेका छन् | बहुलवादी सांस्कृतिक नेपाली समाजलाई बाइबल र कुरानको एकलकाटे संस्कृति भिराएर नेपाली संस्कृति मास्न तम्तयारहरू विरुद्ध आवाज उठाइरहेका छन् | सोझासाझा नेपाली जनतालाई चर्चमा बोलाउने, बाइबलका कितावहरू बाड्ने तर आफु कहिल्यै मन्दिर वा गुम्वामा नजाने, आफ्ना अनुयायीलाई गीता त्रिपिटक पढ्नुलाई ‘शैतानको भक्ति र अधर्म हो’ भनेर सिकाउने विरुद्ध हिन्दू-जागरणको आन्दोलन हो | आफ्नो अस्तित्व जोगाउने, आफ्नो संस्कृति जोगाउने, नेपालको प्राकृतिक समावेशीपनको रक्षा गर्ने र गर्न प्रेरित गर्ने आन्दोलन नै हिन्दू जागरण अभियान हो |

२२. हामीलाई सनातन हिन्दू धर्मी र नेपाली भएकोमा गौरव छ | नेपाल सनातन हिन्दू धर्म र संस्कृतिको मूल थलो हो | दमौलीमा वेदब्यासले अठार पुराण र महाभारतको रचना गरे | कपिलवस्तुमा कपिलले सांख्यदर्शनको रचना गरे | राजर्षी भरतले गण्डकीको तटमा तपस्या गरेर भारत बनाए | महर्षि विश्वमित्रले कोशीको तटमा गायत्रीको साक्षात्कार गरे | पर्वतको जिमिरेघाटमा जैमिनीले बैशेषिक दर्शनको सृजना गरे | जनकपुरका याग्यबल्क्यले उपनिषद्हरू लेखे | जनकपुरमै बशिष्टले योगबाषिस्ठ लेखे| ने-ऋषिले नेपाल बनाए | वेदका ऋचाहरूको पहिलो साक्षात्कार नेपाली आमाका सन्तानले गरेका हुन् | यी सबै हाम्रो गौरव हुन् | हाम्रो पहिचान हुन् | हाम्रो अधिकार हुन् | यी हाम्रा प्राण हुन् | यी सबै नभए नेपाल ‘विधवा’ हुन्छिन् |

२३. हिन्दू जागरण नेपाल नेपालीहरूको साझा आवाज हो | धार्मिक सुरक्षाको चिन्ता हो | धर्म रक्षाको चेतना हो | सनातन धर्मप्रतिको प्रेम हो | विश्वमा फैलिएर रहेका हिन्दूहरूप्रतिको अनुराग हो | नेपालमा हिन्दूहरू जाग्न आवश्यक छ किनभने अव जाग्ने बेला भएको छ | विधर्मीहरू हाम्रो भन्सामा पसेर, भान्साको अगुल्ठो निकालेर घरमा आगो लगाइदिदै छन् | राजनैतिक नेतृत्व नेपालीहरूको घर जलिरहंदा ताली बजाइरहेका छन् | धेरै हिन्दूहरू ‘अर्थ न् वर्थ गोविन्द गाई’ भने झैँ कुरा नै नबुझी राजनैतिक नेतृत्वका वरिपरी झुम्मिएका छन् | आफ्नो धर्म, संस्कृति र सभ्यता बलात्कृत भएको हेरिरहेका छन् | केही यो देखेर रमाइरहेका छन् | केही अचम्भित छन् | केही किम्कर्तब्य विमूढ़ भएर हेरिरहेका छन् | थोरैमात्रले प्रतिकारको आँट गरिरहेका छन् | हिन्दू जागरण नेपाल – यही सानो प्रयास हो | अथक निरन्तरता हो |

२४. हिन्दू जागरण नेपाल संग धर्म र संस्कृतिको बलियो आड बाहेक केही छैन | सुभेच्छुहरूको आत्मीयता बाहेक केही छैन | हिन्दूहरूका सामु डलरका बिटा बोकेका अजंग शत्रुहरू छन् | यिनके मानवाधिकारको ढाल भिरेका छन् | युरोपेलीहरूको कपट र शक्ति बोकेका छन् | हिन्दू जागरण नेपाल – यी सबैको साझा शत्रु बनेको छ | उनीहरू हिन्दू-नेपाललाई निल्न चाहन्छन् | नेता, जनता किनेर भए पनि हिन्दू-नेपाललाई आफ्नो दास बनाउन चाहन्छन् | साम, दाम, दण्ड र भेद यी सबै प्रयोग गर्ने खुवी उसमा छ | नेपाली-नेपालीहरू बीच द्वन्द मच्चाउने उसंग औकात छ | तर हिन्दू-नेपालसंग उसको सनातन परिचय र अनन्त आस्थाको बलियो जग छ | नेपाल र नेपालीलाई जोगाउन हिन्दू जागरण चाहिन्छ | यो नेपाली सबैको पहिला प्राथमिता हो | हाम्री सबैको आत्मविश्वास हो |

२५. आफ्नो धर्मलाई माया गर्नेहरू हिन्दू जागरणसंग आवद्ध होऊ | नेपालका रैथाने संस्कृतिको माया गर्नेहरू हिन्दू जागरणसंग जूट | नेपालको प्राकृतिक एकता जोगिएको हेर्न चाहनेहरू हिन्दू जागरण अभियानमा लाग | बुद्ध, पशुपति, बूढा सुब्बा, साकेला, दशैँतिहारलाई माया गर्नेहरू हिन्दूजागरणमा आवद्ध होऊ | उनीहरू हारे भने उनीहरू आफ्नो देशमा फर्किने छन् तर हामी हार्यौं भने हामीले आफ्नो धर्म, संस्कृति, सभ्यता, वासस्थान सबै कुरा गुमाउने छौँ | हामीसंग जोगाउनु पर्ने धेरै कुरा छन् | त्यसैले हामीले अव बोल्नै पर्छ ‘हामी सबै मिलेर बसौं, संगै भोजन गरौँ, संगै मिलेर प्रगति गरौँ | हामीसंग कसैको पनि शत्रुता नहोस् |’
डा.गोविन्द पराजुली