म डराउन्न !!

 म डराउन्न !!

केही दिन एता डलर-चलित नेता र कार्यक्रताहरूले म्यासेज गरेर, फोन गरेर मलाई धम्की दिंदै छन्, उपदेश दिंदै छन् | सामाजिक संजालमा कोलाहल गर्न थालेका छन्, मानौं मैले ब्राह्मणको कुरा उठान गरेर अपराध गरें ! | म भयभित पनि हुन्न. विचलित पनि हुन्न | म ऋषिकुलको उत्तराधिकारी हुँ, वैदिक संस्कृतिका गौरवको निरन्तरता हुँ | म अमृतको सन्तान हुँ, हो म ब्राह्मण हुँ, विनम्र, सहृदयी, प्रेमी ब्राह्मण हुँ | तिमीले मेरो भौतिक शरीरलाई नष्किट गर्नन सक्भछौं, मलाई थुन्नेन सक्छौं तर मेरा विचारहरू अजेय छन् | यही नै मेरो अनादि परिचय हो, यही मेरो गौरव हो | तिमीले धम्की दिंदैमा मेरो विचार वदलिन्न |

ब्रह्मको उपासक, विद्याको ज्ञाता र समदर्शी ब्राह्मण कालसंग पनि भयभित हुँदैन (आनन्दं ब्रह्मणो विद्वान् न बिभेति कुतश्चन) तिम्रो धम्कीले म तर्सिएको छैन | जवजव मैले (ब्राह्मण)को सत्यको कुरा गर्न थाल्छु, हीनताबोधको भारीले थिचिएका, घृणावादको विषके भरिकाहरू बौलाहा हुन्छन् | तिनका अन्नदाताहरूले ब्राह्मणको सत्यलाई विषयान्तर गर्न थाल्छन् | तर म डराउने छैन किनभने मभित्रको ब्राह्मणले कसैसंग घृणा गर्ने सक्दैन | पण्डित, चण्डाल, गाईमा समानता राख्छ |

तिम्रो आयातित प्रगतिशीलता तिमीसंग राख | तिम्रो समाजवाद र आधुनिकता तिमीसंगै राख | म मेरो इतिहाससंग प्रेम गर्छु, म मेरा पूर्वज ऋषि संस्कृतिप्रति गौरव गर्छु | म ती सबै मेरा पूर्वज ब्राह्मणहरूप्रति गौरव गर्छु, जसले स्वराज, वैराज्यआदिको परिचय निर्मित गरेर वैदिक संस्कृतिको निर्माण गरे | तिमी त्यस्ता सन्तान हौँ जसले जन्मसंगै कित्रिम परिचय प्राप्त गरेका छन् र आफ्नो जगबाट अलग्गिएका छन् | तिमीजतिधेरै तोड्ने प्रयत्न गर्ने छौँ त्यो भन्दा हजार गुणा मैले जोड्ने प्रयत्न गर्ने छु | विश्वास गर, जुन दिन तिमीले मेरो चिन्तन अवलम्बन गर्ने छौँ त्यही पलदेखि तिमीभित्र पनि ब्राह्मणको जन्म हुने छ |

तिमीहरू जति धेरै भुक्ने छौँ, तिमीप्रति मेरो करूणा त्यतिनै बढ्ने छ | मलाई थाहा छ तिमीहरू संचालित छौँ, आफु,आफ्नो संस्कृति तथा क्षमतासंग हीनताबोध गर्ने मानसिक रोगले ग्रस्त छौँ | विश्वभरीका सबै जातिमा मजस्ता असंख्य ब्राह्मणहरू छन् | मेरो ब्राह्मणत्व मेरो नाकमा, मेरो जनैमा मेरो थरमा देख्नेहरू हो ! सावधान हौँ , मैले बोकेको ब्राह्मणको परिचय मनुष्यमात्रको साझा हो | वेद पढ्ने-वेद पढाउने, (वेद शब्दको एउटा शाब्दिक अर्थ ज्ञान पनि हो) यज्ञ गर्ने यज्ञ गराउने (यज्ञ शब्दको एउटा अर्थ निष्काम र कल्याणकारी कर्म गर्नु पनि हो) दान दिने र दान लिने हरेक समदर्शी, घृणारहित, तपोधन व्यक्तिले ब्राह्मणत्व आर्जित गर्नसक्छ |

फेरी पनि भन्छु, मेरो परिचय नाकका अधारमा, वर्णका आधारमा, भूगोलका आधारमा निर्मित भएको होइन, मेरो परिचय त्याग, तपस्या, ज्ञान, स्वाभिमान तथा विश्वलाई आफ्नो परिवार, विश्वलाई मानवमात्रको गूंड र विद्याजीवि भएर प्राप्त भएको हो | तिमी जेतिधेरै मेरो परिचयप्रति घृणा गर्ने छौँ, त्यतिनै मेरो/हाम्रो परिचय मुखरित हुनेछ | जतिधेरै तिमीले मेरो परिचयको विरोध गर्ने छौँ त्यतिनै तिम्रो परिचय गुम्ने छ | विश्वास गर : तिम्रो र मेरो परिचय एकआपसमा गाँसिएको छ |

तिम्रो भलोहोस्, तिमीभित्रको घृणावादको मृत्यु होस् |

स्वस्तिअस्तु