घृणावादको नाक !

 घृणावादको नाक !

सरकारले आदिवासी-जनजातिको परिचय दिएको भरमा मूलवासी हौँ, अल्पसंख्यक हौँ भन्दै घृणावादको व्यापार गर्नुहरूसंग रक्षात्मक व्यबहार गर्नु कायरता हो | छिमेकीलाई तथानाम गालीगलौज गर्दै "हिरो/हिरोइन" वन्न खोज्नेहरू नेपालको सहअस्तित्वका साझा शत्रु हुनुपर्छ | नाकको आधारमा गालीगलौज गर्ने, जातजातिको आधारमा "देश छोड" भनेर नारावाजी गर्ने, नेपाली संस्कृतिका प्राचीन धरोहर मन्दिर, चैत्य तथा गुम्वाहरुको आड लिएर एउटा समुदायलाई अर्को समुदाय विरुद्ध अत्यन्त अपमान जनक शब्दहरूको प्रयोग गर्नेहरूलाई देश र संस्कृतिको होइन डलरको माया छ भनेर बुझ्न ढीला गर्नुहुँदैन |

यो देश, समाज र संस्कृति सबैको साझा हो | यहाँका हरेक व्यक्ति र यिनका पूर्वजहरूको समान योगदानले यो देशको निर्माण भएको हो | भूगोलका आधारमा, भाषाका आधारमा, नाकका आधारमा संविधानले कुनै भेदभाव गर्ने अनुमति दिंदैन | यदि राज्यले फलानो समूह "आदिवासी, जनाजति, मुस्लिम, इसाई वा दलितको हो त्यै भएर यिनले जस्तो गालीगलौज गरे पनि दण्डनीय हुँदैन, अपराध हुँदैन" भन्ने गैरकानुनी नीति लियो र गालीगलौजका माध्यमबाट अपमानित भैरहेका समुदाय अपमानित भैरहे भने राज्यले दुर्घटना निम्त्याउने प्रपन्चको रक्षा गर्दै छ भने बुझु पर्ने हुन्छ |

घृणावादीको असली चिन्तन बुझ्ने हो भने पोखराको पृथ्वी चौक पुगे हुन्छ | घृणावादीहरूले राजा पृथ्वीनारायण शाह र सहिद लक्ष्मण थापालाई संगै उभिन दिएनन् | शाह र थापा दूवै नेपाली भएको स्वीकार गर्न चाहेनन् | घृणावादीहरूको अतिवादलाई राज्यले पहिचानको राजनीति भनेर "द्वन्द"लाई प्रोत्साहित गरिरहेको प्रष्ट हुन्छ | राज्यसंग थापा र शाह दूवैलाई समानतहमा सुरक्षा दिने विकल्प छ | यो विकल्पको विपक्षमा घृणावादमात्र उभिनेछ, सहअस्तित्त्ववाद होइन |

"बाहुन चोर देश छोड, बाहुनहरू शरणार्थी हुन्, बाहुनहरू हत्यारा हुन्, बाहुनहरू शोषक हुन्, बाहुनहरूलाई काट्नु पर्छ, यदि नेपालमा बस्ने हो भने सबै बाहुनले गाईको मासु खानु पर्छ"जस्ता आपत्तिजनक नाराहरु सामाजिक संजालमा छ्यापछ्याप्ति हुँदासमेत दोषी विरुद्ध शक्तिको प्रयोग नगर्नु, कानुनि डण्डाको प्रयोग नगर्नु आपत्ति जनक र राज्य व्यबस्थाको कायरता हो अथवा घृणावादीहरूलाई घृणा फैलाउने कुरामा सहयोग गरेको हो प्रष्ट पार्नुपर्छ | घृणावादको कुनै नाक हुँदैन, भाषा हुँदैन | जस्तोसुकै, नाक, भाषा, भूगोल र वर्ण भएका मान्छे ब्राह्मण हुन सक्छन् | कृष्णवर्णका, सेतोवर्णका, गहुगोह्रो वर्णका सबैमा घृणावादी छन् | नाक, भाषा तथा धर्म घृणावादीले खोलेको पसल हो | सावधान भएर घृणावादको बौद्धिक र न्यायिक प्रतिकार गरौँ |

सामाजिक संजाल र व्यक्तिहरू जसले घृणावादको व्यापर गरिरहेका छन्, ती आदिवासी जनजाति मात्र होइन पूर्वबाहुनक्षेत्री तथा पूर्व दलितहरू पनि छन् | देश, धर्म, संस्कृति तथा आफ्नो परम्पराको परित्याग गरेर इसाई बनेका र प्रत्यक्ष व अप्रत्यक्ष रूपमा घृणावादको व्यापर गर्नेहरूबाट "डलर-दोहन" गरिरहेकाहरूले नेपालो समुदाय विच शान्ति भंग भएको देख्न चाहन्छन् | कुनै नाक, भूगोल वा समुदायको कुरा होइन, घृणावादी विचारधारा जताततै फलिँदो छ | एउटा समुदायलाई अर्को विरुद्ध उचाल्नेको बौद्धिक प्रतिकार गरौँ तथा प्रहरीमा उजुरी गरौँ र कानुनी शक्तिको प्रयोग गरौँ | यो देशका लागि "घृणावादी"हरू विष भन्दा पनि हानिकारक छन् |

ने|पाली गोर्खाहरू कायर हुँदैनन् आत्मसंयम र सहृदयताको अभ्यासलाई कायरता सम्झिने भूल नगर्नु | दुर्घटना निम्तिनु भन्दा पहिलेनै घृणावादीहरूलाई तह लगाउनु | केटाकेटीमा पढेको "न्याउरी मारी पछुतो" नहोस् | यो चेतावनी, निवेदन तथा आह्वान सबै हो |

स्वस्तिअस्तु