चर्च : दानको रकम कहाँ जान्छ ?

चर्च : दानको रकम कहाँ जान्छ ?
धेरैजसो नेपाली इसाई विद्वानहरूले २०७३ को मतगणनाले नेपाली इसाईको संख्या ज्यादैकम देखाएको भनि गुनासो गरेका छन् | उनीहरू नेपालमा इसाईहरूको संख्या ३० देखि ५० लाखको हाराहारी रहेको विश्वास गर्छन् | तर नेपाल सरकारको तत्थ्यांकले भने सम्पूर्ण जनसंख्याको १.५.% अर्थात् ४ लाख ६५ हजार इसाई रहेको ठहर गर्छ |

इसाईहरूको धर्म ग्रन्थ बाइबलले धर्मपरिवर्तन गराउने विषयमा स्पष्ट बोलेको छैन तर इसाई अगुवाहरू "सू-समाचार" विश्वभरी फैलाउनु पर्छ भन्ने मान्यताका साथ अगाडी बढिरहेका छन् | विश्वभरी छरिएर रहेका विभिन्न सम्प्रदायका इसाईहरू गैर-इसाईहरूलाई "इसाई बनाउन सके" ठूलो पुण्य कमाएको ठान्छन् | मैले भन्नुपर्दैन, नेपालमा पनि इसाई अगुवाहरूको प्रमुख र पहिलो प्राथमिकतामा नेपालका गैर-इसाई समुदायलाई "इसाई बनाउनु" रहेको छ र २०४७ पछिको राजनैतिक परिवर्तनपछि धर्मपरिवर्तनका लागि नेपाल निकै उर्वर रहेको "जसुवा-प्रोजेक्ट"ले देखाएकै छ |

इसाई पन्थ स्वीकार गरेपछि प्रत्येक इसाईले आफ्नो कमाईको १०% चर्चलाई अनिवार्य रूपमा भेट गर्नुपर्ने ब्यबस्था बाइबलले गरेको छ | र नयानया इसाईहरूले यो मर्यादा उलंघन गरेको निकै कम पाइन्छ | सन् २०१८ मा प्रत्येक नेपालीको सरदार आम्दानी वार्षिक ११२४०७.६८ रहेको नेपाल राष्ट्र वैंकको तत्थ्यांकले देखाएको छ | यदि नेपालमा इसाईहरूको जनसंख्या ४० लाखको हाराहारी मान्ने हो भने पनि उनीहरूसबैको वार्षिक आय ४४९६३०७२००,००/- रहेको देखिन्छ भने यसको १०% रू ४४९६३०५६०००/- वार्षिक हुन्छ | यसरी नेपाली चर्चहरूले नेपाली बजेटको करिव ८.६% रकम पाउँछन् | एतिधेरे रकम नेपालको कुनै बजेटमा एकसाथ विनियोजित हुँदैन |

उपरोक्त रकममा विदेशबाट इसाई धर्मको विस्तारको लागि प्राप्त हुने रकम जोडिएको छैन | यसरी विचार गर्दा, धेरै भारतीय धार्मिक संस्थाहरूले नेपाली भक्तहरूबाट रकम सङ्कलन गरेर भारत लैजाने गरेझैं इसाई धर्मगूरुहरूले पनि १०% रकम मध्ये ठूलै रकम विदेश लैजाने गरेको सहजमै अनुमान गर्न सकिन्छ | इसाईभक्तहरूबाट सङ्कलित रकमको १०% पनि नेपालमा खर्च गर्ने हो भने वार्षिक २८००० कक्षाकोठा, पचहत्तर ७७ जिल्ला मै स्वास्थ्य चौकी तथा अन्य धेरै आधारभूत सेवाहरूको विस्तार हुनसक्छ |

यसरी नेपालमा संचालित विदेशी इसाई धर्मका प्रचारकहरू नेपालको कल्याण गर्न होइन आफ्नै कल्याण गर्न नेपाल आएका हुन् भनेर बुझ्न गारो हुँदैन | उपरोक्त तत्थ्यांक (मेरो व्यक्तिगत अनुमान) भए तापनि मिथ्यांक हुनैसक्दैनन् | जसरीजसरी नेपालमा इसाईको सङ्ख्या बढ्ने छ तेसरी नै १०% रकम पनि बढ्ने छ र एकदिन सम्पूर्ण अर्थतन्त्रको १०% रक,रकम देशबाट वाहिर जाने छ | १० वर्षमा देशको १००% बजेट नै वाहिर जानेछ | यसरी देश टाट पल्टने छ कि भन्ने अनुमान गर्छु |

एतिहुँदाहुँदै पनि आफ्नो आधारशीला (स्थायी लूटको भाँडो) बनाउन हालका दिनहरूमा पश्चिमा र कोरियनहरूले नेपालमा ठूलै लगानी गरेका छन् | समाजकल्याण परिषदबाट सम्वन्धन प्राप्त गरेका २३४५ इसाई गैरसरकारी संस्थाहरूले वार्षिक अरवौं रुपैया स्वीकृति लिन्छन् | नेपालमा क्रियाशील कारितासजस्ता बहुराष्ट्रिय संस्थाहरूको खर्च यसमा जोडिएको छैन | कारितास, युनाइटेड मिसन टू नेपाल, प्लान नेपाल, लुथरन नेपाल, मर्सी मिसन, वर्डभिजनआदि संस्थाहरूले नेपाल सरकारलाई नटेर्ने समाचार त धेरैपटक बाहिरिएकै हुन् |

असलमा धर्मप्रचारका नाममा आफ्नो ढुकुटी भर्ने उद्देश्यले विदेशी मिसनरीहरू संचालित छन् भन्ने कोणबाट पनि हेर्नु उपयुक्त हुन्छ कि भन्ने मेरो मान्यता र सुझाव रहेको छ | नेपाल र नेपालीलाई माया गर्ने नेपाली इसाई समुदाय र अन्य विज्ञहरूले समेत यो पाटोबाट हेर्नेकाम गर्नुपर्छ | नेपालीले इसाई धर्म स्वीकार गरे तापनि निजहरूको जरोकिलो नेपाली धर्म, संस्कृति तथा परम्परा मै छ भन्ने तत्थ्य न विर्सनु हुन्छ | जुन धर्म स्वीकार गरे पनि आत्मा र स्मृति त नेपाल नै हुनेछ |

नेपाली इसाईहरूप्रति मेरो गुनासो एत्ति हो कि उनीहरूले आफुले दान दिएको रकमको हिसाव-किताव राख्न र सोध्न अग्रसर हुनुपर्छ | आफुले दान गरेको रकमबाट विद्यालयहरू बन्न सके, अस्पतालहरू बने सुविधा पाउने इसाई समुदाय र इसाई समुदायका गैर-इसाई आफन्तले नै हो | एकातिर "हामी सेवाकारी हौँ भन्ने अर्कोतिर सर्वसाधारण इसाईले दिएको दानको सदुपयोग भएको छ कि छैन ? भनेर न सोध्ने सम्मको वेहोसी अनुचित हो |